對於有小朋友的家長來說，疫情關係需要在家工作，其實工作量比上班更多，因為要應付工作之餘，還要應付因為減少社交活動或停課而留家的孩子，絕對不輕鬆。然而有幼稚園家長於Facebook專頁發文，指孩子的主任於網上授課時帶同孩子一同上課，公器私用，對需要真金白銀交學費的家長很不公平！但大部分網民都不支持這位家長的看法，並質疑這家長欠缺同理心。
一名家長於《家長 Secrets》帖文，指自己是今年k1家長，小朋友入讀山景XXXX幼稚園，之前曾出席學校開放日。於活動中見過主任帶同兒子一同出席活動，她認為學校開放日是對外開放，帶同自己小朋友出席並沒有問題，但近期網上授課，卻看到主任的小朋友和自己孩子一同上zoom學習，覺得很有問題。
該家長表示：「我想問主任嘅小朋友有無俾到學費？如果無交學費，而主任拎自己返工時間去照顧自己小朋友，咁樣公器私用，真係好唔公平！學校可唔可以交代一下？」
這名家長似乎希望獲得網友的認同，一同聲討這位主任，希望學校能作出交代。不過她的帖文卻獲得一面倒的回應，並沒有獲得網民的支持，反而指她是怪獸家長、過份計較，以及沒有同理心，希望家長自己能作好榜樣。
有網民回應表示：「比著你home office，你小朋友在家要zoom上堂，你係咪可以完全唔理佢，只埋首工作？將心比心，你做家長，好想上司體諒自己要照顧因為疫情要在家的小朋友，點解你唔可以體諒老師都有照顧上的困難？一齊zoom有咩問題? 有個小朋友比反應，教得仲自然，學生見到有小朋友在畫面，都會感興趣。」
亦有網民直接指這位家長「好mean， 好怪獸！」「你都work from home ，點解又用公司出糧嘅時間去買嘢食？」有網民亦表示：「我仔啲同學隔離坐咗個媽咪、工人同細佬妹，咁係咪個個都要比錢？」
「主任同佢小朋友一齊同你地上堂，可能佢想令其它小朋友冇噤驚，我想主任只係出於一番好意吧！」
「啲幼稚園老師假期叫埋屋企人、仔女同朋友整教具俾你啲寶貝仔女玩又唔見阿家長你話唔公平？」
有網民亦質疑：「你點解會知主任個小朋友有上？因為你都上左囉，交學費啦你。」
最後，有網民奉勸事主：「做人咁計較會好辛苦，何必呢？」
Source by 家長Secrets
Text by Parents Concept
