武漢肺炎肆虐，為減低感染風險，大家盡量留家開餐。一日煮三餐真係頭都痛，有時都會就地取材，甚至不知不覺煮出地獄菜式。有網頁徵「一人一個阿媽怪菜式」竟然吸引近萬個留言，不少人出賣媽子，將阿媽的地獄菜公諸於世，但最令人驚訝是，地獄菜式中出現最多的食材竟然係大家心目中的美味小食！
Too Full For Food 太飽喇 日前於專頁貼文，徵「一人一個阿媽怪菜式」，許多網民紛紛貼上媽子的古怪菜，包括燒賣炒菜心、湯渣煮麵、原條甘筍粥、叉燒煲湯、麥樂雞炒雜菜等。當中大家都非常驚訝，原來地獄廚神最常使用的食材，竟然是燒賣，燒賣炒菜心、燒賣蒸肉餅、燒賣蒸豆腐、燒賣粟米湯。
燒賣蒸肉餅
燒賣炒菜心
原來燒賣除了加豉油，原來仲可以有如此多變，不過我還是喜歡加豉油或炸燒賣。另一個意想不到的菜式，相信是用叉燒煲湯，竟然有不少網民發現，大家的阿媽都有用叉燒煲湯的嗜好，煲完仲可以加餸，果然係薑愈老愈辣，真的可以打唔少斧頭！
最贈興菜：武漢肺炎煲
相信阿媽創製呢個煲之前，絕對無想過有一日，竟然有一個撞樣病毒出現，真係好應景！
最有內涵菜：坑渠地拖水
呢道潮州名菜生熟地冬瓜蟹湯，不少網民話飲過，而且好飲又有益，但不少網民都覺得似一煲拖地水，甚至似打開個坑渠蓋。
最環保菜：湯渣廚餘湯麵
非常認同呢款菜式，每次辛辛苦苦煲完湯，但仔女屋企人突然話唔返屋企食飯， 剩㡳一大煲湯，作為屋企的管數人，當然唔可以浪費。湯渣、隔夜菜便成為了煮麪的最佳配搭。
蘋果雞湯麵
真正的湯渣麵
最像真菜：屎形炸芋泥
正所謂：色香味俱全！呢道菜無論味道幾好，但賣相絕對係可以幫你減肥絕食，可能係媽子見你肥左又重左，所以想幫下忙。
最應節菜：聖誕老人飯
每逢節日，媽子都想為家人增添下節日氣氛，不過有時好心可能做了壞事！
得罪阿媽菜：原條甘筍粥
白粥加甘筍，可能間中都會試過，不過原條甘筍，真係睇見都感受到一定係得罪了阿媽！不過有網友問，係咪屋企唔見左把刀，如果係就一定要立即幫阿媽買定一打刀係屋企，以免案件重演。
其實，有時食物可能係反映阿媽心情，當你見到地獄菜式時，首先唔好怪阿媽住，不如先去了解下媽子係咪有咩唔開心，關心下媽子，心情好，菜式自然會更好！
Source by Too Full For Food
Text by Parents Concept
