尋人記2｜無綫電視（TVB）的節目《尋人記2》，尋訪八、九十年代的新聞主角，是次的主角為18年前的單親爸爸James。James經歷「雙失」離婚和失業，一家三口靠7000元綜緩金生活，幸得貴人相助。
撰文：Hedy@Parents Concept 親子思維 │ 圖片來源：TVB USA Official
尋人記2｜一家三口18年前靠$7,000綜援金過活 雙失爸爸得貴人相助
James的太太發生婚外情所以兩人離婚，當太太離家的時候曾經抱走一對子女，但半年後太太又突然不要他們，令爸爸十分珍惜這對小朋友，他指：
「我望住個仔，個仔望住我，我睇到佢係唔開心，個仔咁實咁攬住你，佢一定經歷過唔開心嘅嘢先有呢個反應。細路仔唔識表達，但佢用行動表示畀你知道個感受真係好深。」
失去工作和婚姻
James辭去了珠寶業的工作。本以為能很快找到工作，但卻遇到沙士，令James突然變成雙失爸爸。一家三口靠著7,000元綜緩金生活，更每天為子女準備三餐，送他們上學。當他陷入困境時幸得朋友相助，有朋友在飛機上看完節目之後找他，希望他能幫忙工作。離開珠寶業十多年後，James轉行做樹木風險管理工作。
父親一路上的支持
一路上最支持他走出婚姻陰霾的是James的父親，不時會來探望並幫忙照顧小朋友。父親經常問他：「頂唔頂得順。」然而每次James都會回答：
「頂得順，因為有佢喺度。我爸爸幫助我行過呢段路，成日都嚟探我哋同埋去飲茶，雖然佢走咗啦，個陣時到依家都會覺得佢仲喺我身邊。」
與他人同行
除了父親的支持外，James在中心認識一群在婚姻裡面對不同問題的朋友，大家分享自己的經歷和感受，每個人都在學習如何面對新的生活和將來。在中國觀念上，男士不會是受害者，女士永遠才是受害者。這個觀念影響男士如何走出來，面對自己的困境。如果沒有支援和平台，會慢慢收起自己，變得偏激和病態
「困難路上最緊要搵人同行，唔開心嘅嘢人人都會發生，點樣行翻出嚟要靠自己，可能搵朋友或者機構幫手，有啲人可能自己調節咗，最緊要係唔好收埋自己。」
走出婚姻失敗的陰霾
18年後的他已經走出婚姻失敗的陰霾並組織新的家庭。現時就算面對困難，他都會選擇行多一步：
「行多一步就海闊天空，每個人都係㗎，可能只係差個一步，你唔行個一步就唔會行埋以後嘅路，唔好麻醉咗自己係困境入面，樣樣嘢都可以解決」
以前照顧小朋友可能會感到很多的壓力，無法享受小朋友的成長，但現時的他則是：
「以前係一種壓力，前路茫茫，但依家係享受去睇住小朋友成長」
