育兒心聲｜為人父母當然會給予小朋友最好的，但有陣時都會因為照顧小朋友而感到大壓力。有媽媽於網上討論區發帖，指自己最後悔生兩個小朋友，生兩個小朋友是人生中做得最錯的事。
撰文：Hedy@Parents Concept 親子思維 │ 圖片來源：viutv劇照
育兒心聲｜港媽後悔生兩個小朋友、抱怨冇生活冇自由
媽媽育有兩個兒子，當初是因為哥哥希望有人陪伴，所以媽媽就選擇繼續生育，誕下次子。但生下兩個小朋友後，媽媽倍感壓力。照顧小朋友之餘，自己的舊病亦發作。但兩兄弟每天依然繼續打架繼續爭吵，令媽媽後悔生下兩個小朋友。她直言：
「做乜要生！錢好似倒水咁，又冇晒自己人生、冇晒自由、冇晒自己生活！成副心機俾晒佢哋！你話乖都抵吖！見住佢兩個都覺得煩！唔自律唔聽教當父母死！讀書又要理，身體又要擔心。」
身體變差
媽媽在生育兩子後，舊病復發，她的精神和體力都放在照顧小朋友身上，而她的身體亦不斷變差，更坦言當媽後
「命都短幾十年」
小朋友還未踏入青春期已經開始目中無人，兩個小朋友會覺得父母照顧他們是理所當然，把他們當工人去叫喚。即使見到父母正在忙也不會嘗試幫忙，她嘆息：
「我細個見到媽媽返工咁辛苦，我就唔敢駁嘴，會自動自覺幫手做家務，希望媽媽唔好咁辛苦。」
生育前要詳細思考
兩個小朋友令媽媽失望，甚至後悔生下他們。她發帖文其實只是為了吐苦水，因為自己是一個事事都會為小朋友緊張的媽媽，會因為他們的學業和前途而著緊，她只希望自己的小朋友健康快樂成長，更勸喻大家想生育小朋友的時候要想清楚。
雖然為人父母都會感到很大的壓力，但下面有不少網民留言支持媽媽
「辛苦只是其中一個階段，父母為子女付出的一切會苦盡甘來，媽媽加油！」
「每個媽媽都是這樣過來的，一時叫苦連天，一時覺得好心甜」
「我明呀，我真係明！我經歷過，相信這應該是學習做媽媽的心路歷程。」
